吃扒 (已結業)

吃扒旺角豉油街108地舖今日約左朋友去旺角覓食，見到呢間裝修得好懷舊既餐廳，店內有舊式電話亭同埋好製別既木製傢私等，我地覺得打卡一流，好似置身80年代咁，好特別啊！！吃扒什扒話晒都好耐無据過扒，心大心細左好耐到底食咩好之際，朋友建議我食什扒餐，乜都有！什扒餐包括煎蛋、豬扒、牛扒、雞扒、煙肉和牛仔腸，岩晒我呢個食肉獸，淋上蒜蓉汁之後聞到超級香蒜蓉味，隔離枱都忍唔住望左兩眼。雞扒個肉質超嫩同多汁。牛扒亦都好香好淋，個餐份量勁大，差d食唔晒啊！熱熔芝士紐西蘭牛柳我地加咗$25跟餐，會有餐湯、餐包、甜品同飲品。個鐵板牛柳一上枱既時候超級大份，侍應會淋上用鐵鑊上嘅熱熔芝士，身為芝士控既朋友流晒口水，朋友叫咗5成熟，一切既時候岩岩好，絕對無over cooked，食落好淋好juicy，估唔到芝士同黑椒汁都咁爽，好邪惡，食落都真係勁飽！水牛城雞翼最中食水牛城雞翼既我地，一上菜既時間都勁開心，外皮炸到超級香脆，而且雞肉好爽口，食落酸酸甜甜，好開胃啊！