餐廳主打慢煮菜式，慢煮比正常煮法更花心思同時間，亦食落出用料講究。
🔸龍蝦湯流心牛角包 +$28 !!推薦!!
牛角包製作繁複，做到流心更高難度。跟主菜加呢個價錢，值得一試。一切聽到外層鬆脆既聲音，內層見到一圈圈酥皮浸滿龍蝦湯，更意外係由頭到尾都滲透左湯，湯既蝦味濃郁，混和牛角包既牛油香，好滿足！
🔸是日沙律 +$28
沙律菜新鮮爽脆，拌入黑醋，好開胃。
🔸奶油瓜意大利飯配風乾羽衣甘藍 $88
素食者可食! 更係健康人士必選! 加入多款superfood，纖維同維他命爆登!
奶油瓜類似中國既南瓜，但甜味更濃，奶油瓜醬包滿粒粒意大利飯。意大利飯混入洋薏米同三色藜麥增加口感，風乾過既羽衣甘藍去左根莖，食落冇苦澀味。
🔸西班牙黑毛豬腩配南瓜蓉 $138
擺碟精緻，色彩繽紛。伴碟有南瓜蓉細密甜滑，另配烤到香脆既Parma Ham，增添口感。
豬腩肥瘦相簡，慢煮過後再煎開表面，令外層焦香，咬落嫩滑而油香十足，配搭酸甜蘋果蓉，味道更balance。
🔸真空慢煮法式焦糖燉蛋 +$28 !!推薦!!
估唔到甜品都可以慢煮，食落特別細緻嫩滑，先食到奶香味，後有蛋味湧出! 底層有自家製雜莓醬，令整體味道更豐富!
🔸白松露雪糕 +$28
好少見既雪糕味道! 白松露味道比黑松露內斂，有種獨特既香味，估唔到加落雪糕又幾夾。
🔸爆炸糖海鹽焦糖咖啡流心牛角包 +$28
打卡一流! 表面既咖啡泡沫充滿爆炸糖，入口不停聽到炸開既聲音，好有趣! 焦糖既甜配搭咖啡既苦，加埋少許海鹽襯托，無論口感味道視覺都好滿足!
🔸Tiramisu Cheesy +$25
餐廳 Signature Drink! Drinkable Tiramisu!
會配送餅乾碎，可以沈上表面，好IG-able! 上層奶蓋用 Mascarpone Cheese 製成，芝味濃郁，飲落有厚度。下層 Expresso 飲落清淡，可能加左糖，酸味甘苦味都唔算突出。
🔸Blackie (芝麻燕麥奶咖啡) +$25
健康人士必選! 因為朋友飲開無糖飲料，問店員發現呢杯冇落糖，即刻叫!
正因無糖，味道相對淡，但食材原味道更突出!
