Goldfinch (已結業)

今晚同朋友搵左中環嘅一間隱世法國菜小餐館試下，菜單由法國藍帶大廚主理，將法國菜同亞州菜嘅元素結合，創意得來有味蕾上嘅驚喜。餐廳門面裝飾佈滿花花草草，令人放鬆。"MAPO TOFU" 「麻婆豆腐」將傳統麻婆豆腐嘅概念重新演繹，用橄欖油黃豆泥代替咗傳統嘅豆腐，質地細膩得黎又帶有豆香。加入咗麻辣雜菌碎，每一啖都有一種香辣嘅刺激感，可以配搭蓮藕脆片一齊食。RED PRAWN TARTAR 紅蝦他他鹹蛋黃泡芙泡芙用左墨魚汁整，質感輕盈，紅蝦他他自然甜味配搭濃郁鹹香味嘅海鴨鹹蛋黃和山女魚籽，口感上既創新又滿足。GRILLED EEL 白鱔意大利飯賣相精緻，用泡沫造成脆脆嘅薄片，上面用醬汁點綴，色彩繽紛，白鱔經過精心烤製，肉口質鮮嫩而帶有微微嘅焦香，意大利飯嘅米粒煮得恰到好處，粒粒分明。EIGHT-TREASURE STUFFED PIGEON 八寶釀乳鴿乳鴿肉質外皮酥脆，內裡肉質嫩，釀入鴿腹食材各自帶有獨特嘅風味，鮑魚嘅鮮嫩、瑤柱嘅彈牙、鵝肝嘅濃郁、羊肚菌嘅香氣、櫻花蝦嘅鹹香、火腿嘅鮮美、蘆筍嘅爽脆、紫米嘅營養，以及馬蹄草嘅清甜同桑直櫻花汁嘅微酸，層次感豐富。TOFU SKIN MILLEFEUI