味皇餐廳小廚 (已結業)

我無飯無歡，今晩仲係銅鑼灣煩緊食咩好，最驚果啲又貴又唔飽嘅餐廳。經過呢間茶餐廳，咦times square 對面竟然有呢個價錢，唔係眼花，即刻入去先。一望就望到特價精選Menu，就嗌香茅雞扒豬軟骨飯喇，我嗌咗例湯。本來以為係普通茶記啲味精湯，但竟然係椰子燉雞湯？！唔知係咪呀姐見我靚仔，仲俾足喎。有雪耳，雞腳，同好多椰子，正～嗰湯啲椰子味仲好重添喎！我個香茅雞扒豬軟骨飯都唔錯，份量夠大。雞扒煎得幾香脆，而豬軟骨又煮得幾稔。仲跟個沙律仔。整體 very good 呀！