影片
更多
2017-10-22
82 浏览
朋友話帶我黎食日本fusion菜， 來之前一直興奮又期待，到底日式嘅fushion會係點呢 ？唔知會唔會有新鮮好味嘅刺身呢？一堆一堆問号響腦海不斷浮現，到呢一日終於揭盅。入邊大部份係卡位形式，仲有一個好似酒吧式嘅地方， 入邊可能就有一位大廚，我見侍應會將餸菜攞嚟比大廚鑒定之後先送上客人枱面，製作十分認真！為咗開開胃，我地要左個梅酒杞子藜麥沙律，呢個配搭十分特別，生菜十分之鮮甜，藜麥好有𡁻口煙煙韌韌！杞子用梅酒浸過，有一陣陣嘅酒香！估唔到幾樣唔同嘅食物撈埋又幾夾！木茹藜麥黑松露溫泉蛋意粉，木茹即係類似本菇，外型比金菇大， 食落口脆脆地，意粉用黑椒炒過好香口，將溫泉蛋撈埋就可以食落好滑又香！藜麥嘅𡁻口又提升左呢個意粉嘅口感！終極卷物係用三文魚籽、海膽同埋吞拿魚腩蓉製成，三文魚籽又大又彈牙又鮮味，食落每一粒都會爆開！海膽亦都好新鮮好creamy!! 吞拿魚魚腩蓉好幼滑，脂肪香濃。橙薑汁蒜片烤牛排亦都好特別，牛扒大約七成熟，但亦依然十分嫩，唔韌！牛味好香，配上橙汁同薑汁香香甜甜。炙燒&壽司盤8件刺身十分之新鮮，我食咗海膽、北海道帆立貝、炙燒三文魚同埋蝦，印象中最深刻係炙燒三文魚，有入口即溶嘅感
入邊大部份係卡位形式，仲有一個好似酒吧式嘅地方， 入邊可能就有一位大廚，我見侍應會將餸菜攞嚟比大廚鑒定之後先送上客人枱面，製作十分認真！
為咗開開胃，我地要左個梅酒杞子藜麥沙律，呢個配搭十分特別，生菜十分之鮮甜，藜麥好有𡁻口煙煙韌韌！杞子用梅酒浸過，有一陣陣嘅酒香！估唔到幾樣唔同嘅食物撈埋又幾夾！
木茹藜麥黑松露溫泉蛋意粉，木茹即係類似本菇，外型比金菇大， 食落口脆脆地，意粉用黑椒炒過好香口，將溫泉蛋撈埋就可以食落好滑又香！藜麥嘅𡁻口又提升左呢個意粉嘅口感！
終極卷物係用三文魚籽、海膽同埋吞拿魚腩蓉製成，三文魚籽又大又彈牙又鮮味，食落每一粒都會爆開！海膽亦都好新鮮好creamy!! 吞拿魚魚腩蓉好幼滑，脂肪香濃。
橙薑汁蒜片烤牛排亦都好特別，牛扒大約七成熟，但亦依然十分嫩，唔韌！牛味好香，配上橙汁同薑汁香香甜甜。
炙燒&壽司盤8件
刺身十分之新鮮，我食咗海膽、北海道帆立貝、炙燒三文魚同埋蝦，印象中最深刻係炙燒三文魚，有入口即溶嘅感覺！燒過之後多左一份焦香！帆立貝亦都有大又厚，好甜！
蝦十分鮮甜味美！彈彈的感受到那股新鮮。
海膽仍然好甜好creamy!!
綠茶雪糕mochi , 綠茶味好香，小小澀澀地茶味濃又滑！mochi 煙煙韌韌做得不錯！
呢度嘅食物都幾特別又驚喜！完全冇諗過可以咁樣配搭，下次再嚟試吓其他嘢食！
张贴
