影片
更多
2021-09-20
104 浏览
今日約咗個好耐冇見嘅朋友食飯，就約咗佢喺太子附近食個飯！由於我哋兩個都想食日本菜，就上網搵咗間日本居酒屋試下！🍡蒜頭漬 HK$38我同朋友都係第一次食蒜頭漬，一開始都有啲怕蒜頭嘅味道，但估唔到食落有比想像中好味喎！麵豉醬比較濃，完全蓋過蒜頭本身有少少衝擊既味！🍡古早蟹籽沙律 HK$88多數蟹籽沙律得青瓜絲，但佢呢度有埋沙律菜又幾好喎！蛋黃醬好香又有少少芥末味！作為前菜超開胃！🍡姊妹芝麻雞翼 HK$68呢個芝麻雞翼簡直💯！第一啖已經超級脆身，而且一啲都唔油！🍡雞泡魚乾 HK$78雞泡魚乾口感軟熟完全唔硬，仲要好入味！送埋啤酒簡直一流！🍡禮刺身五點盛HK$388我個人認為油甘魚同帶子好值得一讚！油甘魚本身好鮮甜，而帶子因為有青檸嘅加持而變得更加清新，更加鮮！🍡明太子油揚豆腐 HK$88我都係第一次試明太子與豆腐嘅配搭，冇諗過出奇地咁好食！豆腐炸得好乾身，咬落真係勁脆！配上明太子醬咸咸地幾惹味！🍡鮮燒原隻日本魷魚 HK$108其實睇個菜名完全冇想像過佢竟然係辣！味道有啲似韓式嘅辣椒醬！但值得一讚嘅係日本魷魚煮得好軟熟，但係又有咬口！🍡岩鹽燒羊架 HK$68燒得老左少少，同埋都大有少少羶味！🍡
🍡蒜頭漬 HK$38
我同朋友都係第一次食蒜頭漬，一開始都有啲怕蒜頭嘅味道，但估唔到食落有比想像中好味喎！麵豉醬比較濃，完全蓋過蒜頭本身有少少衝擊既味！
🍡古早蟹籽沙律 HK$88
多數蟹籽沙律得青瓜絲，但佢呢度有埋沙律菜又幾好喎！蛋黃醬好香又有少少芥末味！作為前菜超開胃！
🍡姊妹芝麻雞翼 HK$68
呢個芝麻雞翼簡直💯！第一啖已經超級脆身，而且一啲都唔油！
🍡雞泡魚乾 HK$78
雞泡魚乾口感軟熟完全唔硬，仲要好入味！
送埋啤酒簡直一流！
🍡禮刺身五點盛HK$388
我個人認為油甘魚同帶子好值得一讚！油甘魚本身好鮮甜，而帶子因為有青檸嘅加持而變得更加清新，更加鮮！
🍡明太子油揚豆腐 HK$88
我都係第一次試明太子與豆腐嘅配搭，冇諗過出奇地咁好食！豆腐炸得好乾身，咬落真係勁脆！配上明太子醬咸咸地幾惹味！
🍡鮮燒原隻日本魷魚 HK$108
其實睇個菜名完全冇想像過佢竟然係辣！味道有啲似韓式嘅辣椒醬！但值得一讚嘅係日本魷魚煮得好軟熟，但係又有咬口！
🍡岩鹽燒羊架 HK$68
燒得老左少少，同埋都大有少少羶味！
🍡免治雞肉棒配醬油蛋 HK$76
呢道菜我真係超級超級推薦！雞肉棒本身食到有少少雞軟骨，已經好有咬口，撈埋隻醬油蛋，口感簡直絕配！
自己串燒，我都叫得比較多款，就揀幾款最特別嘅同大家分享吓🤤🤤
🍡脆皮風鱔 HK$88
條鱔超級厚身，咬落勁好肉感！而且煮得唔過火，內裡好軟好嫩滑！
🍡烤紫蘇三味雞肉丸串 HK$48
有3款醬汁，雞肉丸好彈牙好有肉感!
🍡富士蘋果煙肉卷 HK$48
真係第一次見呢道菜式，將煙肉包住富士蘋果，富士蘋果帶甜得黎又帶有煙肉既鹹味，不過富士蘋果可以再甜啲就好了！
张贴
