弘 CHIRASHI (已結業)

今晚小明姐帶我去食日式料理，佢話我之前一定無試過，落左地鐵行一陣就到了，位置都唔難穩，原嚟係一間叫弘日式料理店，裝修幾好，雖然店鋪唔算大，但感覺幾好。一坐低就點個極上海鮮2段重丼，我來嚟想點多D其他，但小明姐話分量夠大，唔夠再點其他，果然分量好大，好多種刺身，真系一次過可以滿足幾個愿望啊。上層有海膽, 帶子, 吞拿魚, 北極貝, 三文魚, 蟹棒, 玉子同埋一只大蟹鉗, 刺身下仲填有一D白飯，各種刺身都好新鮮，選材好嚴謹，樣樣都系極品，怪不得要帶我過嚟食喇。北極貝好爽口彈牙，三文魚厚切，口感好又鮮甜，真系太好食喇。不得不贊仲有呢度嘅服務，好細心，蟹鉗都有開一個小口，等我地食嗰時方便取肉，好貼心。下層有玉子，魚子, 吞拿魚蓉, 蟹膏, 中間有放白飯同一只溫泉蛋，魚子好大粒，咬落去嗰下口感特別正，蟹膏，吞拿魚蓉我用嚟撈飯，幾種口感混合，好好味啊，蟹膏味道咸咸地，唔錯，蝦都好大只，肉質好。