太子沢 (已結業)

今日放工勁肚餓，又突然之間好想去食拉麵 ，記得朋友講過附近有呢間拉麵舖，就去試下啦。我六點半左右去到，都唔算太多人，裝修簡潔，座位都幾闊落，好有日本風。餐廳有唔同嘅拉麵選擇，有豚骨湯鰹魚湯等等。 我就嗌咗重口味嘅黑蒜豚骨湯，加咗一個章魚小丸子做小食，同埋蜜瓜梳打 ，叫曬拉麵小食同埋飲品可以total減15蚊好抵。拉麵配料好多，有木耳糖心蛋叉燒， 真係好大碗，我一個人都差啲食唔曬，湯底好入味，好重蒜油味，同埋配料一啖食真係好滿足。章魚小丸子超級驚喜，入面嘅章魚都唔會好細粒，食埋真係飽，梳打汽水超好飲，亦可以用嚟清新下 ，下次我會再嚟試下其他味嘅拉麵。