榮哥煮場 (已結業)

旺角真係好多高質食家常便飯嘅小店！依間仲有全日供應嘅套餐！$268二人餐包埋小食同糖水！首先小食係芝麻醬四季豆，呢個組合幾夾，有啲似食沙律嘅感覺，幾開胃主菜有兩個，揀左招牌酸菜魚煲，個魚嫩滑得嚟又唔會散晒，仲要好足料份量好多，湯底酸度同鹹味都啱啱好，送飯一流！另外揀左薑蔥霸王雞，啖啖肉又有香濃既薑蔥味，正！二人餐配兩個飯，如果唔想要可以加12元轉淮山面/烏冬/米線/煤炭飯，兩個飯唔要免費轉一碗都得，選擇幾多！最後甜品仲有楊枝甘露，唔算太甜，食完啲重口味嘅嘢再食好清新。依家選擇夠多，價錢亦好親民，幾好！