蕃茄仔

营业中

休息中

比較少去既銅鑼灣另一邊，其實有好多唔錯既小店，今日同朋友去左呢間蕃茄仔，一黎到都幾多人等緊位，呢啲天氣記得帶把風扇仔係身。落單係用QR code上網落，算係幾方便。同朋友分別叫左個炭燒雞扒同輕烤鰻魚，湯底當然係鮮蕃湯。湯底味道非常香濃而且濃稠，上面既Basil就提供一份清新感。至於主食既雞扒同鰻魚，雞扒燒得恰到好處，皮香兼肉嫩；鰻魚就比較清淡，加埋蕃茄湯底既味道都唔會撞得太勁，岩岩好。麵底轉左做葛絲，有少少似薯粉但更加軟糯。最後加返杯汽水完結今個回合。