茶緣 (已結業)

店主好有心機為我地講解，因為大部分都係凍飲，而我地想order熱飲，所以店主好有耐性同我地講解邊款飲品可做熱飲。最後揀咗一杯熱雪梨菊花茶同一杯熱烏龍茶。首先講雪梨菊花茶，好有驚喜，店主知我唔鍾意太甜，所以冇額外加糖，所以整杯茶好清新，甜度恰到好處，飲到雪梨嘅香甜又帶出菊花嘅花香，而且仲有一朵朵嘅菊花食到，好特別。另外係烏龍茶，雖然冇花巧嘅襯一，但咁先飲到茶香，而且甘度剛好，冇苦澀味。整體感覺很好，一定會再幫襯。