狸小路北海道涮涮鍋、壽喜燒、和牛專門店

营业中

休息中

今日去完銅鑼灣大球場之後，經過咗一間小店-狸小路北海道涮涮鍋，壽喜燒，和牛專門店餐廳，有驚喜！我試咗佢哋嘅壽喜燒湯底同北海道3.6牛乳湯底，搭配頂級A5西冷同豚肉！兩百幾蚊就食到冇得輸。壽喜燒湯底用上關西風，甜味適中，醬油味道剛好，先將和牛煎香再加上壽喜燒醬汁味道更加香濃，個人比較鍾意關西風。頂級A5西冷，肉質真係無得頂，入口即化，簡單沾滿蛋汁已經好美味，真係每一口都好有滿足感。北海道海膽湯底真材實料用上3.6牛乳入口順滑，3.6牛乳鍋分別試左A5 和牛，豚五花同豚肩，豚五花油脂分佈均勻，豚肩肉味道濃而爽口，和牛就但吸收咗牛奶的香甜味，非常有奶香。整體黎講，湯底同肉質都表現出色，環境舒適，大家一定要支持吓香港嘅小店。