吉豚屋吉列豬扒專門店

同先生行魚街，半途肚餓決定食個下午茶，本來想食車仔麵，行到去先發現冇開門，揸唔定主意嘅我哋揀咗半條魚街，最後行入咗呢間吉列豬扒專門店。

1

下午茶選擇唔多，價位大概四到五十，價錢唔算平，但尚算合理。

吉列豬扒定食

$45

下午茶餐嘅吉列豬扒有80克，以呢個價位嚟講算係大方，配有白飯同麵豉湯各一碗同兩色醬汁。

吉列豬扒定食

$45

吉列豬扒定食

$45

吉列豬扒外層嘅炸漿炸得酥脆，厚薄適中，豬扒亦夠厚，肉質軟腍，唔會太乾，幾有驚喜。

鐵鍋豬肉泡飯配唐揚炸雞定食

$42

泡飯湯底係麵豉湯，加上雞蛋同海苔成為泡飯，雖然簡單，但味道唔錯。

1

鐵鍋豬肉泡飯配唐揚炸雞定食

$42

唐揚炸雞有四件，外脆內嫩，而且咬落帶少少肉汁，質素中上，但略嫌細舊咗少少。

1

巨峰乳酸特飲

跟餐飲品有四款選擇，我哋揀咗巨峰乳酸特飲，以跟餐飲品嚟講算唔錯。
以下午茶嚟講呢度嘅食物質素中上，雖然要加一，但價錢依然合理，有時食厭咗茶餐廳同車仔麵，轉下新意思都係一個唔錯嘅選擇。