極尚大瀛喜日本料理 (已結業)

睇完戲9點幾，個肚餓到打哂鼓，最好就梗係去食放題，食多幾碟抵d嘛(好似係)。諗唔到食邊間，於是又用老方法，上or睇下呢期有咩餐廳上榜，見到極尚大瀛喜個名咁霸氣，就揀佢啦！最先上刺身，整體來說很新鮮，大愛甘甜的蝦類，入口細緻，另外三文魚亦相當厚肉，口感結實而甜美，加上分佈均勻的油脂，值得一讚。牛舌入口軟綿，不會烤到變牛肉乾；蕃薯仔香軟，味道帶有天然清香；雞軟骨又脆又酥，入口卜卜聲。冷盤最好味係八爪魚仔同螺肉，唔會入口冰到咬唔到，醬汁又剛剛好包住，口感夠彈牙！全晚最正的創作壽司，第一輪每樣點一件，大讚牛油果、帶子，入口甘香味甜，雖然已經唔記得每件的名，但絕對係每一件都好好味，臨走前再點多轉，好正呀！哈哈，有圖為證，真心大力推薦，食兩轉感覺好抵XD一般壽司都唔錯，偏愛無骨又嫩滑的鰻魚，以及肉味濃郁的牛肉壽司。烤帶子唔會太乾身，不過就細粒左少少。奶油蝦比較困難食用，但味道不錯，蝦肉都算爽口。藍莓乳酪細細盒，避免浪費，但我比較喜歡奶凍，口感綿綿，而且奶味非常濃郁！最後DIY乳酪雪糕，味道同平時食的差不多，必食！