影片
更多
2019-01-14
93 浏览
是日，想搵間平平地嘅日本料理放題食下。諗左一陣，就諗起係銅鑼灣廣場2期嘅滿屋日本料理。尤記得上次去食滿屋日本料理放題，係幾年前佢啱啱開果陣。果陣去食要大排長龍，條龍排到去樓下大堂，今日 book 左就好好多。夜晚8:30去到，等左一陣就入得，今晚人唔算好多。好丫，靜靜地食下飯。第一 round，睇左一次全部紙仔，將想食果啲都叫晒黎試一試。一開始都擔心叫得太多會食唔晒，好彩佢地都好細心，全部野食嘅份量都好 mini。推介：螺仔：呢個係出面自己拎，估唔到又好味喎！鹽燒牛舌：一開始都怕會有雪味，出奇地無同埋佢燒得唔差喎！雪花牛肉鍋：呢個又係好食喎，個湯好味，粉絲又入味，牛唔肥又唔韌！蒲燒鰻魚：燒得啱啱好，個汁好對辨！Encore！虎蝦天婦羅：呢個又係，所以 encore 左！西京比目魚：加埋沙津醬，一流！雪糕重有Haagen Dazs食！重要係大杯版！對比返以前，食物種類多左好多，宜家就連清酒，梅酒，啤酒都係任飲(雖然我唔係好飲)。2百幾蚊嘅價錢，係邊到搵！真心驚喜！
尤記得上次去食滿屋日本料理放題，係幾年前佢啱啱開果陣。果陣去食要大排長龍，條龍排到去樓下大堂，今日 book 左就好好多。
夜晚8:30去到，等左一陣就入得，今晚人唔算好多。好丫，靜靜地食下飯。
第一 round，睇左一次全部紙仔，將想食果啲都叫晒黎試一試。一開始都擔心叫得太多會食唔晒，好彩佢地都好細心，全部野食嘅份量都好 mini。
推介：
螺仔：呢個係出面自己拎，估唔到又好味喎！
鹽燒牛舌：一開始都怕會有雪味，出奇地無同埋佢燒得唔差喎！
雪花牛肉鍋：呢個又係好食喎，個湯好味，粉絲又入味，牛唔肥又唔韌！
蒲燒鰻魚：燒得啱啱好，個汁好對辨！Encore！
虎蝦天婦羅：呢個又係，所以 encore 左！
西京比目魚：加埋沙津醬，一流！
雪糕重有Haagen Dazs食！重要係大杯版！
對比返以前，食物種類多左好多，宜家就連清酒，梅酒，啤酒都係任飲(雖然我唔係好飲)。2百幾蚊嘅價錢，係邊到搵！真心驚喜！
张贴
