Van Gogh SENSES (已結業)

今日同媽媽再encore 呢個下午茶T set，因為上次食過除咗擺盤特別之外，無論甜點同鹹點都非常好食，加上環境闊落，光線充足，令我哋感到非常舒服，可以喺呢度過一個輕鬆嘅下午當我地揭開餐牌嘅時候，發現大驚喜，因為下午茶嘅內容原來係會不定期更新，雖然下午茶嘅名都係叫杜比尼家的花園，媽咪即刻話黎多幾次都唔怕悶首先店員會為我地送上叉燒包，呢個叉燒包同中式唔同嘅地方係佢係上海式嘅夾餅，包住生菜同原塊叉燒然後隔咗一陣T set就上枱啦，今次鹹點真係好正，有煙熏三文魚薄餅配鱘魚魚子醬，有矜貴嘅食材啊，魚子醬真係好好食，另外仲有鮑魚絲酥餅，真係原隻鮑魚㗎，加埋下面脆卜卜既酥餅，好正！最後一款鹹點係鵝肝醬配葡萄及榅桲醬，食完之後心裏面暗想點解今次嘅食材都係矜貴食材！甜點方面有綠茶紅豆華夫餅、馬卡龍同埋芒果椰汁糯米飯，最欣賞嘅係佢哋個芒果椰汁糯米飯，非常正宗，令到呢一個下午茶生色不少，將中西泰嘅特色融入呢個下午茶裏面呢度嘅花茶亦係佢哋嘅特色之一，除咗有靚靚嘅茶杯，花茶款仲有好多唔同嘅選擇，實有一款啱你心水