協奏坊西餐廳 (已結業)

今晚閒日約左3個舊同事一齊聚舊，雖然閒日但都算幾多人，位置方面係大角咀，新九龍廣場側，都易搵到。地點係大角咀珀麗酒店2樓協奏坊西餐廳。由於開始6:30，未食得可以影下相先。首先全場最特別的即熔瑞士芝士配長通粉、燒薯、農夫包及韓式炸雞。芝士即燒熔，再立即刮起。再配埋洋蔥、黑橄欖、酸青瓜。真係清新之餘又有芝士的濃郁味。重點之一任食生蠔，勁大隻，鮮甜及有海水味。我出去拎左幾次都係即刻有，真正任食。刺身吞拿魚、希靈魚、三文魚刺魚。新鮮，大件，咬落去口感好好。蟹腳勁鮮甜及大隻，又係真正任拎，真係好難忍得到口。葡式乳豬飯，乳豬肉夠肉汁，乳豬唔算好肥，d糯米吸晒d乳豬味。整體配合得好好味。甜品開始，先試葡撻，脆皮，蛋夠香。細細個份量剛剛好。藍莓芝士餅，芝士味好香好重味，好重紐約芝士味。咖啡餅，好香咖啡味同時佢又唔會太甜，唔會搶晒d咖啡味。最後以任食Movenpick雪糕作完結，有三隻味分別呍呢拿、士多啤梨及法式焦糖燉蛋雪糕，我三隻都試左，個人覺得佢比H字頭雪糕更好味。今次有信用咭優惠，每人只需要$288，唔駛$300有呢個質素真係超值及抵食。