樂湯雞麵館 (登龍街) (已結業)

淡黃色嘅湯係砂鍋澎湃翻滾，湯面泛有少許雞油。黃澄澄既雞件色澤感覺鮮美，上面鋪有少許粉紅既火腿絲。依家天氣有少少涼，最啱就係食啲滾熱辣嘅嘢食喇！Lunch time 黎樂湯雞麵館，嘆番個砂鍋花膠雞刀削麵。$78 餸料有幾塊連皮雞肉，兩塊花膠，刀削麵既分量還可以。飲埋個湯就一定飽啲同唔怕凍喇，但用砂鍋真係好滾熱辣，食個時要小心辣嘴同淥親個口。有啲美食真係要喺餐廳享用，好似呢個砂鍋花膠雞刀削麵要堂食先得，如果選擇外賣，絕對係完全兩回事黎。