影片
更多
2023-03-31
63 浏览
呢晚有得收早又可以同班friend去食好嘢，老友話灣仔有間好正嘅火鍋店有騸牯牛食一於就book呢間啦！呢間叫做豐生水起原來係成日上電視嘅名廚陳師傅開嘅。地方簡潔舒服我哋今日仲有房坐食得仲舒服。打邊爐要混醬是常識吧！款式多到任揀唔嬲隨便混喇喂。嘢飲我叫咗兩款嚟試第一樣係大杯檸檬薏米水，大大枝好足料去水腫一流！而另外一個係好大杯竹蔗茅根水，一樣咁足料仲好滋潤添啱晒打邊爐飲。打邊爐之前先嚟兩個小食嘆下，涼拌小茄子充滿蒜嘅香味加埋少少醋好開胃。跟住呢個係用鹹蛋黃整嘅黃金炸魚皮，又香又脆加埋鹹蛋黃嘅香味道超正斗。湯底我哋叫咗兩個第一個係佢哋五色湯底入面嘅招牌黃湯鴛鴦花膠雞鍋，又老雞又豬骨仲有金華火腿同埋花膠魚肚多料到呢！打邊爐之前記得飲咗啖湯先因為真係好鬼正。等個湯滾左落埋啲新鮮嘅清遠雞落去，雞肉唔會好肥而且仲好彈牙添，入面仲有女人最鍾意嘅花膠同埋魚肚，滋陰補腎老婆大人勁鍾意食。打邊爐快靚正梗係食丸啦！擺落去一陣等佢浮起就食得，呢個係八喜臨鮮打丸盛有成8粒唔同嘅手打丸，好似有鮮蝦、墨魚、豚肉、鮮雞、羊肉同埋潮州魚丸，我就食咗鯪魚丸同埋鮮牛丸，嗰粒牛丸入面有啲陳皮加埋濃郁嘅牛肉味呢個丸必食啊。仲有
呢間叫做豐生水起原來係成日上電視嘅名廚陳師傅開嘅。
地方簡潔舒服我哋今日仲有房坐食得仲舒服。
打邊爐要混醬是常識吧！款式多到任揀唔嬲隨便混喇喂。
嘢飲我叫咗兩款嚟試第一樣係大杯檸檬薏米水，大大枝好足料去水腫一流！而另外一個係好大杯竹蔗茅根水，一樣咁足料仲好滋潤添啱晒打邊爐飲。
打邊爐之前先嚟兩個小食嘆下，涼拌小茄子充滿蒜嘅香味加埋少少醋好開胃。
跟住呢個係用鹹蛋黃整嘅黃金炸魚皮，又香又脆加埋鹹蛋黃嘅香味道超正斗。
湯底我哋叫咗兩個第一個係佢哋五色湯底入面嘅招牌黃湯鴛鴦花膠雞鍋，又老雞又豬骨仲有金華火腿同埋花膠魚肚多料到呢！打邊爐之前記得飲咗啖湯先因為真係好鬼正。
等個湯滾左落埋啲新鮮嘅清遠雞落去，雞肉唔會好肥而且仲好彈牙添，入面仲有女人最鍾意嘅花膠同埋魚肚，滋陰補腎老婆大人勁鍾意食。
打邊爐快靚正梗係食丸啦！擺落去一陣等佢浮起就食得，呢個係八喜臨鮮打丸盛有成8粒唔同嘅手打丸，好似有鮮蝦、墨魚、豚肉、鮮雞、羊肉同埋潮州魚丸，我就食咗鯪魚丸同埋鮮牛丸，嗰粒牛丸入面有啲陳皮加埋濃郁嘅牛肉味呢個丸必食啊。
仲有呢個人手打製勁蟹籽墨魚滑，都好鬼彈牙仲勁有鮮味添。
跟住有老婆大人鍾意食嘅海鮮，呢個極品海鮮盛有海中蝦、大蟶子、扇貝、廣島蠔、鮑魚同肉龍𧄌片，真係應有盡有個個都有啱心水嘅海鮮。
我就鍾意食煙韌彈牙嘅鮑魚，真係有鮮味唔會好似食橡筋咁㗎。
呢個豆品組合盛聽聞係大埔名店嘅出品，響鈴豆味好濃灼兩下就食得。
跟住有老婆大人最鍾意嘅餃子，全部係餐廳人手自己包㗎，我哋叫咗一份自選雙拼餃京葱牛肉餃搭韮菜餃，我就食咗京蔥牛肉餃入面嘅牛肉調味啱啱好，仲有啲京蔥嘅香味都幾好食喎！
我哋另外一個湯底係豐味原湯鴛鴦鍋嘅番茄濃湯拼芫茜皮蛋鍋，番茄鍋用嚟食牛肉芫荽皮蛋就要來食菜冇交嗌。
我哋叫咗個蔬菜組合盛貪佢乜都有啲呀嘛！生菜同油麥菜好香好嫩口個蔬菜只要夠新鮮加埋個靚湯就好食㗎啦。
老婆大人唔食得牛肉梗係要照顧佢嗌個豐盛豚肉盛，入面有三款唔同嘅豬肉左邊係日本鹿兒島豬腩肉片、中間係西班牙黑毛豬肋條同埋西班牙黑毛豬梅頭肉片，我都有試過黑毛豬肋條肉味香濃又有咬口冇得輸。
嚟到我最鍾意嘅牛肉呢度賣嘅係騸牯牛，即係俾人閹咗嘅牛牛仲有好多特別部位揀添！我哋今晚就有口福喇食到好多款唔同嘅位，例如挽手、冧心、肉眼、腩頭吊龍真係食得夠晒刁鑽。
咁多牛入面我最鍾意嘅係挽手，牛肉食落去好嫩口仲好香好夠肉味，第二樣就係吊龍肥美嘅感覺有啲似食和牛，不過唔會好似和牛咁入口溶咗會有咬口嘅。
鍾意食自家製火鍋料同騸牯牛嘅朋友我好推介大家去烚下烚下。
豐生水起
電話：25380668
地址：灣仔灣仔道83號灣仔道83號3樓
张贴
