梨和園韓日料理 (已結業)

原先只係想搵間平平地既任食餐廳消磨時間，經過樓下見到寫住＄１０８一位任食，店內海報及窗的廣告也是＄１０８，咁朋友都諗住平平地試下喇。入到去坐底先見到牆貼住話要另加＄３茶錢，＄３蚊都算啦，我地都無出聲。話明時限個半鐘，一個鐘未夠就要我地埋單先，咁我地都算，諗住都係大家放便，點知到埋單係＄１３３一位，我地問佢點解咁貴，唔係＄１０８咩，個職員態度勁差話：”加咗價好耐喇！”（完全騙人，所有海報都係＄１０８，無話加咗價！）之後我地其實都差唔多食完，想唞一陣先走，點知俾完錢唔夠十分鐘就埋嚟話好多人喺門口等，要執野先，仲不斷咁講話好多人等，叫我地走，我地最終都忍唔住話：”我地未夠鐘咖喎！”跟住個職員話：”我知，但好多人等緊！”（完全無顧客人感受，我俾咗錢，話明限時個半鐘，未夠鐘就趕人走，咁我未食飽又係咪可以繼續食先？）總之呢間餐廳完全唔掂，唔會再去第二次，職員態度差，又無禮貌，又呃錢！