望逸咖啡研究所 (已結業)

以前觀塘返工都經常去駱駝漆食lunch，但真係一間正式嘅咖啡廳都好少油，而家放工放假嚟到觀塘，終於有一間正正式式嘅咖啡店去同朋友chill下。環境好舒適，有少少木係工業風嘅感覺，飾品嘅選擇都好多，今次同朋友食咗兩款意大利飯，特別推介龍蝦汁青口蜆肉燴意大利飯，龍蝦汁夠晒香、青口都好新鮮。另外朋友食嘅嘢菌意大利飯，不過不失，翻身可以選擇煮遠啲，可以見多到餐廳都好體貼！餐廳寫住週末推出 $158/90分鐘任飲咖啡，即刻好後悔點解唔星期六日先嚟，啱晒我同朋友呢一啲咖啡鬼！小食方面，叫咗瑞士汁雞翼，份量都唔少，同朋友食到好飽好滿足。我哋兩個咖啡鬼，到左夜晚嘅時候，竟然走去飲朱古力，因為見到隔籬枱朱古力個飲法好特別，餐廳會提供一杯牛奶底，再俾一個朱古力注射針俾你自己打入朱古力，客人玩得又飲得開心。