影片
更多
2024-04-24
393 浏览
City Dancer Grill & Live Music Bar📍湾仔湾仔道232号恒汇中心30楼唔知大家对仪式感有几大追求呢？会唔会记住某啲特别日子，藉此机会庆祝一番？我同朋友经常会系放工后见面食饭，之前都分享过好多快食之选。但今晚比较特别，我同佢都有着得比平时返工正式，为嘅就系庆祝一下两年前我哋第一次去街嘅呢一日。虽然听落好似有啲无厘头，但因为我哋都唔太喜欢喺大时大节同人迫、硬食贵价，所以喺呢啲非假日嘅平日，隆重地庆祝一下对我哋两个有特别意义嘅日子，反而更加开心。我拣咗呢间位于湾仔嘅bar，一心谂住book个空中花园同佢撑下台脚，点知天公不造美，全日都落大雨，虽然到埗时已经停雨一段时间，天台嘅地下都干咗，但雨后天气潮湿翳焗，所以我哋选择坐系室内，庆幸店员安排咗我哋坐喺对正跑马地嘅窗边，有得睇住靓景共进晚餐。虽然同预期唔同，但当晚夜景几靓，背景播嘅港台音乐亦系我哋耳熟能详嘅歌，店员亦好有礼貌，情调气氛都令人满意。介绍食物前，想特别highlight一下当晚最享受嘅moment。其实拣呢间餐厅嘅其中一个原因，系想同朋友感受下live band music嘅用餐气氛，不过我哋都唔太肯
📍湾仔湾仔道232号恒汇中心30楼
唔知大家对仪式感有几大追求呢？会唔会记住某啲特别日子，藉此机会庆祝一番？我同朋友经常会系放工后见面食饭，之前都分享过好多快食之选。但今晚比较特别，我同佢都有着得比平时返工正式，为嘅就系庆祝一下两年前我哋第一次去街嘅呢一日。虽然听落好似有啲无厘头，但因为我哋都唔太喜欢喺大时大节同人迫、硬食贵价，所以喺呢啲非假日嘅平日，隆重地庆祝一下对我哋两个有特别意义嘅日子，反而更加开心。
我拣咗呢间位于湾仔嘅bar，一心谂住book个空中花园同佢撑下台脚，点知天公不造美，全日都落大雨，虽然到埗时已经停雨一段时间，天台嘅地下都干咗，但雨后天气潮湿翳焗，所以我哋选择坐系室内，庆幸店员安排咗我哋坐喺对正跑马地嘅窗边，有得睇住靓景共进晚餐。虽然同预期唔同，但当晚夜景几靓，背景播嘅港台音乐亦系我哋耳熟能详嘅歌，店员亦好有礼貌，情调气氛都令人满意。
介绍食物前，想特别highlight一下当晚最享受嘅moment。其实拣呢间餐厅嘅其中一个原因，系想同朋友感受下live band music嘅用餐气氛，不过我哋都唔太肯定系咪每一晚都会有驻场歌手表演，所以系食紧嘅过程中都有留意舞台嘅动向。食完一样又一样，连天台嘅夜景都睇埋，都迟迟未见有歌手乐手，我哋都打定输数，谂紧一定系因为平日晚上嘅关系，所以无live performance。
正当有少少失落时，喺店员送上甜品嘅同时，灯光被调暗、有三位音乐人上台准备，我哋即刻有返心机。后来先知道，原来晚上九点钟开始，先会有live music听，所以冲住音乐而嚟嘅朋友要留意啦。
呢晚有齐琴手、结他手同主音，三人先轮流独唱，然后再唱下duet同harmonies，首首歌曲都好经典，歌手乐手们仲好识搞气氛，除咗有为场内庆生嘅客人唱生日歌，见到我哋坐埋一齐拍手打beat，主动话要唱返首情歌俾我哋听，令我哋更加投入。
我想藉此机会多谢当晚嘅表演者，各位嘅演出非常有水准，歌艺了得，而且演绎经典金曲时有加入自己嘅风格，为我哋带来一晚精彩表演，令呢个纪念日更加难忘。
[价钱 Price]
💰$48
鸭油焗薯仔 🥔
Side Dish主要有各类菇菌、蔬菜同薯仔菜式供以选择，由于我想食薯仔，但又唔想食得咁油腻，所以拣咗鸭油焗薯仔。望落细细兜嘅薯仔事实上有十多件，表面烤焗得金金黄黄，扑鼻而来阵阵鸭油香气。薯仔口感软糯不干粉，烤焗过嘅表皮略带脆口，食落啖啖鲜薯味，好食！
[价钱 Price]
💰$238
慢煮西班牙猪架配苹果酱 🐖
我拣咗慢煮pork rack做main，配上香甜幼滑嘅apple purée同酱汁，味道清新不腻。猪肉肉质扎实，自身带有浓香猪肉鲜味。外层轻轻烤过后带有焦香，内层肉色粉嫩多汁，口感味道均恰到好处。配菜车厘茄、露笋亦唔马虎，前者一咬爆汁，后者幼嫩无渣，食材相当新鲜。
[价钱 Price]
💰$288
日式酱烧烟熏白鳝 🎣
烟熏白鳝以木制长方盒呈上，厨师会将苹果木碎望入抽屉内烧香，盖上盒盖以香烟熏制白鳝，造型吸晴，适合打卡。打开盒盖一刻，白烟随随飘出，苹果木香气四散，满足视觉嗅觉。
白鳝肥美肉厚，鱼皮烟韧，涂满特制日式酱汁后才烧，件件鱼肉都带有酱汁嘅浓香同木熏后嘅香气，味道口感更胜一般炭烧鳗鱼。 温馨提示，鳝肉近中线位置有些少幼骨，食用时要注意呀。
[价钱 Price]
💰$78
栗子合桃慕丝蛋糕 🌰
我哋一人点咗一份甜品，朋友拣嘅栗子合桃慕丝蛋糕，栗子mousse口感绵密细滑，同海绵蛋糕层层相间，配上脆脆坚果底层同合桃碎，层次丰富，味道清甜淡香。
[价钱 Price]
💰$78
比利时脆朱古力慕丝蛋糕 🍫
我就拣咗用上比利时朱古力制作嘅蛋糕，mousse夹心有脆脆嘅朱古力碎，亦有混入榛子酱整饼底，增加口感。
张贴
