唔講唔得一定係佢哋嘅🐷豬油撈飯，呢個必嗌！已經唔多地方會做呢樣東西，總店仲特別推出一個復刻版，好夠噱頭🫶🏻！先加上青蔥同芫荽，然後倒上適量豉油同豬油，最後將佢哋撈埋一齊，超級香口！豉椒炒蜆絕對係鑊氣之選🔥炒蜆新鮮，無沙，醬汁調配得好正宗夠惹野，洋蔥爽口👍🏻 鳳尾蝦多士係限定新菜式，🍤蝦肉夠彈牙，炸粉無好heavy既感覺仲好香脆👅頭抽豉油皇銀牙炒麵都係好夠鑊氣！炒麵係我鍾意嘅乾身同條條分明🫢豉油味濃，好爽口入味😎涼瓜炒牛肉看似一道簡單嘅菜式，但成功令唔食苦瓜嘅我覺得好好食！醬汁包住牛肉同涼瓜嘅感覺好正👍🏻最後麻辣韭菜鴨血鍋都唔錯，麻辣味到位，鴨血無奇怪味，唯一挑剔嘅係可以再入味d😚總括嚟講，係一間同期望相符既高水準新派大排檔👅作為土瓜灣友嘅我，其實已經回訪咗好多次😎👍🏻👍🏻👍🏻
| 豬油撈飯(復黑版) $25
| 鑊氣豉椒炒蜆$99
| 鳳尾蝦多士$82
| 頭抽豉油王銀芽炒麵$77
| 涼瓜炒牛肉$90
| 麻辣韭菜鴨血鍋$99
貼心嘅佢哋仲會送上免費糖水🫶🏻
