么鳳

营业中

休息中

今日晏晝，去開銅鑼灣特登走咗去一間老字號「么鳳」涼果舖掃零食！呢間鋪頭真係街知巷聞，尤以話梅最出名，上次買嗰D未食完，今次就買脆口野。一入到去，涼果花多眼亂！我二話不說就掃咗幾款招牌貨：軟齋燒鵝同硬齋燒鵝各一包，軟嗰隻煙煙韌韌，硬嗰款咬落「索索」聲，兩種口感都正到爆！仲有琥珀合桃，每粒都掛滿蜜糖，金黃剔透，流晒口水。最抵死係佢哋嘅番薯干，甜得嚟帶少少嚼勁，食極都唔厭。最後仲要咗包花生送啤酒，啲花生粒粒飽滿，鹹香脆口，真係「食過返尋味」！埋單嗰陣，姐姐仲好好人送左鲍魚酥同陳皮味梅片俾我試食，搞到我未出門口已經諗定下次要買乜！今次真係「大出血」，但買到咁多正嘢，抵啦！