金翠餐廳 (福華街) (已結業)

深水埗嘅美食真係多不勝數，其中一間就係呢間金翠嘅叉燒，今日忽然想食個叉燒飯，於是就走到金翠。其實以深水埗燒臘店來講，呢度真係算好貴下，因為出面真係可以$20就買到一盒叉燒飯，而呢一間金翠嘅叉燒飯就大嗱嗱收你$46 ，不過佢又真係好好食，所以貴得有道理嘅！每次嚟到我都一定係叫叉燒飯，仲講明要又瘦又淋，出面嘅燒臘檔真係睬你都傻，不過金翠就真係會應我嘅要求，揀舊又瘦又淋嘅叉燒俾我喇！我仲每次都會問佢攞多啲汁，店員就會用個碗仔裝俾我，等我自己鍾意落幾多都得，所以每次都食到一粒飯都無剩㗎 ！