麵麵棧

营业中

休息中

劉森記好多人都識，麵麵棧就相對無咁多人識。但係麵麵棧係劉森記二公子開既，位處土瓜灣。以南乳豬手竹昇麵馳名！是夜天寒地凍，豬手雖然唔太有益，都唔理得咁多，整碗高熱量食品驅一驅寒。麵條爽口彈牙，有蛋香，沒咩鹼水味，有水準，兼且份量唔細，最重要係食到尾都一樣彈牙。豬手三舊，好似唔係好夠食，但係三大舊都多肉，好怕食到豬毛，不過呢三件都幸保不失，而且入味得黎唔會淋，有咬口，南乳味亦都好重下！用埋佢個南乳汁搆麵仲正。佢D煲仔粥品都食過，不過同南乳豬手一比…差太遠，不愧為鎮店之寶。