FAT ANGELO'S (已結業)

馬鞍山西餐黎講，通常我都幫襯呢個！鍾意佢價錢唔貴又大大份！所以平日晚市都會好爆場👍🏼👍🏼。。🥢炭燒美國M2牛頸脊 $218-呢款炭燒M2牛頸脊，肉質鮮嫩，入口即化。搭配新鮮雜菜沙律、薯條同紅酒燒肉汁，更加增加食物的層次感同豐富口味，完全食得出個價值。。🥢二添一作五- 醬燒豬肋骨及燒黃油雞（各半份）配薯條 $288呢個套餐好適合選擇困難症既我😂兩個招牌菜色分半份，豬肋骨係熱辣醬燒過，肉質軟嫩配上薯條好開胃。燒黃油雞則係香口多汁，幾滋味。加個薯條，個價錢算係抵食。。🥢香烤意式青醬雞肉拌蕃茄汁意粉 $108呢款意粉真係香得呱呱叫！烤過嘅青醬雞肉好嫩好多汁，同意粉拌埋蕃茄汁，多咗一份鮮味。。🥢Mocktail: Apple Mint $48呢杯Apple Mint有蘋果同薄荷嘅清香味，幾爽口。就算唔飲酒都可以享受到好味道。。🥢Cocktail: Long Island Iced Tea $68好多酒吧都必備嘅經典Cocktail，Long Island Iced Tea。呢杯酒有舒爽嘅味道同朗姆酒嘅力量，價錢超抵，cocktail 只係$68。