新泰東南亞餐廳 (馬鞍山廣場)

营业中

休息中

星期一放工特別攰，攰到連飯都唔想煮，今日偷懶出街食，夏天特別想食泰國菜，貪佢酸酸辣辣夠開胃。 今日去左屋企附近新港城間泰國茶館，之前行街成日都經過，今日第一次幫襯，揀依間其中一個原因係見到佢裝修充滿東南亞風情，地方清潔 , 寬敞舒適， 可以好好enjoy 一頓晚飯。泰式炸蝦餅個人至愛，次次食泰國菜必食。 炸蝦餅擺碟排列得好整齊，剛剛炸好仲熱辣辣，外皮好香脆，蝦肉鮮味並且十分彈牙，點埋個酸甜汁，無懈可擊。燒西冷牛扒7成熟既牛扒，牛肉外面燒到少少焦黃，裡面仲有少少紅，生熟度好岩我心水，牛肉味香濃，點埋兩款酸辣醬汁，口味有別於出面西餐廳既牛扒食法，酸辣醬汁下既牛扒，別有另一番風味，食完一塊會追住想食多一塊，好好味。泰式蝦炒金邊粉色香味俱全既一道菜，首先賣相一流，用蛋煎左個網，蛋網包住泰式金邊粉，要用刀介開個網先食到金邊粉，金邊粉伴埋蛋、豆付干、鮮蝦一齊炒，味道酸酸甜甜，蝦仁鮮味，整體味道都好出色。