影片
更多
2022-06-17
215 浏览
以前馬鞍山成日俾人叫做美食沙漠，但近年愈黎愈多唔同餐廳進駐馬鞍山，沙漠慢慢變成綠洲啦！早幾日就經過海濱附近嘅雅濤居商場，見到餐廳嘅menu都幾啱食，就決定係呢間WM Cafe& Bar食晚餐。入到去第一印象就覺得佢嘅環境有氣氛同格調，餐廳俾人感覺亦好乾淨衞生，而且佢有唔少座位都係梳化位，想同朋友傾偈chill下都一定坐得舒服！👯♀️我地叫咗兩份晚餐：法式鴨髀香煎鵝肝菠菜闊條麵🍝鵝肝香味濃郁，煎得啱啱好唔會乾，外面香得黎咬落去都仲係好軟滑。鴨髀好多肉，適當嘅咸香加上醬汁同熟度剛好嘅意粉，食落非常滿足😋另一份係美國極佳級安格斯大草原自然牛西冷配燒牛肉汁。西冷煎出黎的確符合5成熟嘅要求，塊扒本身亦唔會太薄有肉汁，加埋佢嘅燒牛肉汁令層次更豐富，我地另外再加咗份薯菜，配埋一齊食轉眼就清哂🤤晚餐仲包括餐湯/龍蝦湯+黑糖包；飲品我地就揀咗啲特飲。熱情果菠蘿梳打酸酸甜甜好開胃。雪糕忌廉梳打有成球士多啤梨雪糕🍦可以就咁食咗一半再將另一半加薄梳打一齊飲，非常消暑！除咗性價比高之外，值得一讚嘅仲有呢度嘅服務好好，整體都係個朋友一聚嘅好地方🤩🍽 WM Café & Bar (雅濤居購物商場)📍馬鞍山鞍駿街15
入到去第一印象就覺得佢嘅環境有氣氛同格調，餐廳俾人感覺亦好乾淨衞生，而且佢有唔少座位都係梳化位，想同朋友傾偈chill下都一定坐得舒服！👯♀️
我地叫咗兩份晚餐：法式鴨髀香煎鵝肝菠菜闊條麵🍝鵝肝香味濃郁，煎得啱啱好唔會乾，外面香得黎咬落去都仲係好軟滑。鴨髀好多肉，適當嘅咸香加上醬汁同熟度剛好嘅意粉，食落非常滿足😋
另一份係美國極佳級安格斯大草原自然牛西冷配燒牛肉汁。西冷煎出黎的確符合5成熟嘅要求，塊扒本身亦唔會太薄有肉汁，加埋佢嘅燒牛肉汁令層次更豐富，我地另外再加咗份薯菜，配埋一齊食轉眼就清哂🤤
晚餐仲包括餐湯/龍蝦湯+黑糖包；飲品我地就揀咗啲特飲。熱情果菠蘿梳打酸酸甜甜好開胃。雪糕忌廉梳打有成球士多啤梨雪糕🍦可以就咁食咗一半再將另一半加薄梳打一齊飲，非常消暑！
除咗性價比高之外，值得一讚嘅仲有呢度嘅服務好好，整體都係個朋友一聚嘅好地方🤩
🍽 WM Café & Bar (雅濤居購物商場)
📍馬鞍山鞍駿街15號雅濤居購物商場地下G01B號舖
张贴
