影片
更多
2017-09-27
108 浏览
平時任食打邊爐點都會有限時, 但醉翁亭竟然係無限時, 難怪時間尚早都已經差唔多坐滿晒人啦~一坐低點左個冬瓜瑤柱鍋, 清清地想潤下... 但當我地仲苦惱緊要點咩其他配菜時, 原來醉翁亭已經準備左好多野食係送的, 完全唔使煩!!!首先, 大大個凍櫃, 野飲自己拎, 選擇都算多, 無晒好快有員工會添返, 抵讚!凍櫃附近就有好多熟食比你慢慢拎冰鎮豬手-- 夠凍, 夠淋, 豬手又夠肥, 入口即溶, 而且好入味, 超鐘意食!食左好多舊呀!!!!!沙薑鳳爪-- 呢個平時去茶樓都唔會成日叫, 因為都幾貴, 呢度竟然可以任食!!! 鳳爪煮得夠淋, 好入味, 又係食左好多!木耳-- 爽脆夠凍. 好欣賞呢度D 凍盤, 最憎D凍盤係室溫!仲有其他小食例如鵝翼, 多春魚等等, 全部都好好食, 而且定時有員工加添加, 真係食到你唔食呀!除此之外, 每位都會送一客鮑魚同大冬姑, 都係炆到好淋同好入味, 估唔到黎打個邊爐都有D甘高級既食材!!!除熟食之外, 每位都會送一客魚生, 有生蝦, 三文魚, 希靈魚, 北寄貝, 好大件, 又新鮮!!再加送海鮮火鍋配料--象拔蚌, 蠔, 海蝦等, 全部都好新鮮, 成本一D都唔低
一坐低點左個冬瓜瑤柱鍋, 清清地想潤下... 但當我地仲苦惱緊要點咩其他配菜時, 原來醉翁亭已經準備左好多野食係送的, 完全唔使煩!!!
首先, 大大個凍櫃, 野飲自己拎, 選擇都算多, 無晒好快有員工會添返, 抵讚!
凍櫃附近就有好多熟食比你慢慢拎
冰鎮豬手-- 夠凍, 夠淋, 豬手又夠肥, 入口即溶, 而且好入味, 超鐘意食!食左好多舊呀!!!!!
沙薑鳳爪-- 呢個平時去茶樓都唔會成日叫, 因為都幾貴, 呢度竟然可以任食!!! 鳳爪煮得夠淋, 好入味, 又係食左好多!
木耳-- 爽脆夠凍. 好欣賞呢度D 凍盤, 最憎D凍盤係室溫!
仲有其他小食例如鵝翼, 多春魚等等, 全部都好好食, 而且定時有員工加添加, 真係食到你唔食呀!
除此之外, 每位都會送一客鮑魚同大冬姑, 都係炆到好淋同好入味, 估唔到黎打個邊爐都有D甘高級既食材!!!
除熟食之外, 每位都會送一客魚生, 有生蝦, 三文魚, 希靈魚, 北寄貝, 好大件, 又新鮮!!
再加送海鮮火鍋配料--象拔蚌, 蠔, 海蝦等, 全部都好新鮮, 成本一D都唔低呀!
講左甘耐, 我都仲未入紙落單, 佢地又送左一客牛肉同水餃皇, 可惜我地都唔食牛, 所以退返比佢地.... 水餃皇超大粒, 入而既蝦好大隻, 好爽口,真係好好食, 我覺得係可以做招牌菜呀!
食左都差唔多一個鐘, 終於可以入單叫火鍋配料喇
響鈴脆炸魚皮-- 港人火鍋必食! 炸魚皮我覺得係醉翁亭自己製作, 比外面食到既薄脆!!!
魚皮餃 -- 大大粒, 好足料好新鮮!
竹笙 -- 估唔到任食火鍋都有竹笙, 要知道竹笙好貴呢!
手打墨魚丸 -- 爽口彈牙, 仲食到一粒粒墨魚, 好有口感!
豚肉 -- 好靚既雪花豚肉, 好JUICY,一D都唔鞋, 非常好食, 估唔到甘高質素!
脆鯇 -- 打邊爐點可以無脆鯇? 新鮮, 爽脆, 一定要encore!
由於前面食得太兇狠, 到最後有少少後勁不斷... 打個邊爐者, 又唔限時, 又送一大堆野你食, 200幾蚊, 真係超值
最後想讚下serve 我地果台既姐姐, 雖然你d廣東話我真係忍笑忍得好辛苦, 但你夠落力, 主動幫我地, 真係好抵讚呀!
张贴
