魚眾不同酸菜魚 (馬鞍山中心)

营业中

休息中

老檀酸菜鱸魚 $75（配薯粉）配菜有娃娃菜，豆腐，鴨血(+$20)我揀左鱸魚，仲有好多其他魚揀，不過我驚其他好多骨所以就揀咗鱸魚🐟，估唔到一人份量竟然都咁多，夠兩個人食🤣🤣 除咗鱸魚同酸菜好多之外，其他配料都好足料，有兩大舊豆腐，好多娃娃菜同酸菜😚 鱸魚大大片又滑又冇骨，差唔多有成10片，最後就梗係有鴨血，爽滑入味，索晒酸菜魚啲湯汁，而且酸菜魚嘅湯底仲有幾種唔同辣度🤪 菠蘿梳打特飲 (跟餐+$12)平時啲特飲閑閑哋都要20-30$ 一杯，呢度跟餐都係$12，雖然唔係話真係有好多菠蘿🍍肉，不過都食到有少少菠蘿蓉，食完啲辣嘢整返啖 爽哂👍👍😋