靠得住粥麵小館 (MOSTown新港城中心) (已結業)

細細個已搬入馬鞍山住, 之前商場細舖位少, 所以食肆都無太多選擇, 最近新港城大翻新, 引入好多食肆及商舖, 所以開番個馬鞍山搵食記先.靠得住開張至今我經過門口都有條人龍，心諗真係咁好食？有幸星期三5：30左右經過無人排隊喎，即刻入去試下。袐製牛腩麵$42，麵質細夠煙韌，但無乜挸水味，湯底係好濃郁嘅牛腩湯，係會油膩咗d, 味道不錯就原諒自己一次咁多啦。今次只食麵，無配飲品或小食，但餐牌有部份加配飲品唔洗加錢嘅呢？真係㗎！