三哥廚房擔擔麵菜飯專門店

营业中

休息中

餐前小食叫左碟雞絲粉皮，成碟份量都偏少，青瓜絲仲多過雞絲...但個麻醬調得幾好味，粉皮硬度都適中。嚟到三哥廚房點可以唔叫菜飯呢~之前食過排骨菜飯所以今次叫左鎮江骨菜飯。鎮江醋味濃，但唔會過酸。排骨數量都好夠，有5-6嚿，肥瘦比例3:7，唔會太肥又有肉食。菜飯係招牌菜當然好正啦，飯唔會太硬太淋，粒粒分明，如果多d菜粒仲好。除左菜飯仲叫左個排骨炒年糕，竟然比菜飯更出色！炒得好惹味，又唔會好油，有d冬菇絲同菜，但d排骨就肥左少少，如果瘦翻d就好。整體成間餐廳既野都好抵食，份量多價錢又合理，但位置比較偏僻，第一次去個陣都搵左一陣，去開馬鞍山都可以試下！