益記小館

营业中

休息中

個人非常喜歡星馬菜， 尤其各式麵食和小吃，每次過去馬來西亞探好姊妹都起碼六、七餐一日，增磅而回。 平時都會間中幫趁灣仔沙巴、上環馬拉媽媽、加東喇沙、土司工房，等等。 當聽到餐廳名叫Old Town時的確感覺親切，因為馬來西亞有個出名咖啡檔叫舊街場。店位於中環一棟商業大厦內，餐廳刻意裝修、佈置成星馬當地餐廳模樣增添氣氛，餐牌設計成報紙格式圖文頗吸引，lunch無乜時間嘆，兩個人決定要一個飯一個麵share食。海南雞飯 - 跟一般海南雞飯set一樣，有一盅湯、一碟雞、一碗油飯、一碟調味有醬油、薑蓉、紅色酸味蒜汁。 份量ok， 雞呈皮黃肉白肉質一般呢個只怪冰鮮雞原故，油飯粒粒分明有味唔覺油，湯夠熱味道夠。喇沙 - 顏色對路上面有一層紅油，湯汁混有椰汁唔會過多，味道整體平衡，內有蝦、蛋、肉同芽菜，都算豐富。薏米水 - 夠大杯多薏米，非常濃郁而味道清甜。價錢屬中上，由於有其他類似餐廳，所以菜式未見突出。