木門口幾古色古香，入面有馬拉菜廣東話對聯，介紹到馬拉特色菜之餘又有親切感，幾盞鬼！
一坐低店員就倒左兩碗肉骨茶俾我地，聞到已經覺得好香，藥材味濃，入口甘甜唔澀，比之前試過幾間馬拉菜館好飲。
咖央多士一碟有四件，味道唔錯，多士皮唔會太乾。
金菇豆卜肉骨茶，肉骨茶味道清香，入面豆腐卜同金菇都有唔少，豆卜浸透左肉骨茶，變得好入味。
招牌老鼠粉，份量幾多好大碗，肉碎好香口，腩肉唔會覺得肥膩，老鼠粉口感同銀針粉差不多，都幾好食。
桔仔話梅水，冰涼解渴，味道酸酸甜甜。
唔錯嘅馬拉風味菜館，馬拉菜值得一試。
