添好運點心專門店

营业中

休息中

今晚成班網友一齊去睇入樽🥳🥳🥳約左其中一個友人去澳海城食野再一齊行去，咁黎到就睇下有乜好食，見到呢，懷念舊屎馬拉糕味，就入去食。點左唔同點心，最緊要就係點個馬拉糕啦😋😋 豉汁蒸鳳爪普普通通，冇咩好講叉燒腸料多皮滑，唔錯😋金銀蛋瘦肉粥幾好食，佢個粥底幾特別，但係又講唔出有咩唔同，係同平時食既粥有好大分別，各位知唔知有咩唔同？紅油抄手都係冇乜特別，我覺得不過不失鹹水角幾好食，料多過一般酒樓，唔錯👍杞子桂花糕好軟淋，覺得咬落好易散開，有陣花味，鍾意食既會覺得好食。酥皮焗叉燒包真係後悔太遲先食，呢款唔食尤志可，一食就覺得好好味，酥皮又脆又軟，入面又熱又香，一人一件，食完都回味無窮，再叫多碟食，誠意推薦👍👍👍👍👍👍馬拉糕就失望啦，同我n年前食既馬拉糕好唔同，以前食落係又香又軟又甜入心。而家覺得好普通，係我記憶錯左？懷念腦海中既味道🥲🥲不過成餐都唔錯，可能下午去，坐得舒服。