影片
更多
2020-03-25
169 浏览
好多youtuber都推介過呢一間餐廳， 今次終於可以一試。 一入到餐廳， 餐廳嘅面積比想像中大， 光線充足， 睇落亦好寬敞， 擺放食物嘅地方空間都幾闊落， 因為之前去過一啲自助餐空間比較迫， 拎嘢食時會好擠擁，要你讓我我讓你咁， 而呢一間就唔會， 可以放心慢慢揀嘢食同拎嘢食。一入到去店員就問我哋要咩火鍋湯底， 其實淨係湯底都有好多選擇， 有成十幾種， 本身私心想試下幾款少啲食到的， 人蔘雞湯， 波士頓龍蝦湯同麻辣湯底都好想試， 點知屋企人竟然揀咗在普通嘅蕃茄湯底，ok fine， 弱弱的我只能屈服。 當火鍋上枱後， 每枱都會有一份海鮮拼盤同一份刺身拼盤， 不得不說， 呢兩份拼盤嘅食物質素都好高， 海鮮全部都好新鮮好大隻， 大大粒嘅蟶子，蜆肉，同鮑魚， 味道仲要非常鮮美。 刺身拼盤同樣好高質， 牡丹蝦好大隻好鮮甜， 三文魚，北寄貝，帶子，好厚肉，好肥美。 但呢兩樣拼盤都係一次性提供， 如果想再食就要自費再額外加， 唔怪得咁好食啦哈哈。 另外仲有幾樣都係一次性嘅， 包括韓國餃子， 一份高級豬肉等等。 但其實除咗啲一次性嘅， 佢本身提供嘅任食配料， 味道質素都好唔錯， 除咗食物區各式各樣嘅
一入到去店員就問我哋要咩火鍋湯底， 其實淨係湯底都有好多選擇， 有成十幾種， 本身私心想試下幾款少啲食到的， 人蔘雞湯， 波士頓龍蝦湯同麻辣湯底都好想試， 點知屋企人竟然揀咗在普通嘅蕃茄湯底，ok fine， 弱弱的我只能屈服。 當火鍋上枱後， 每枱都會有一份海鮮拼盤同一份刺身拼盤， 不得不說， 呢兩份拼盤嘅食物質素都好高， 海鮮全部都好新鮮好大隻， 大大粒嘅蟶子，蜆肉，同鮑魚， 味道仲要非常鮮美。 刺身拼盤同樣好高質， 牡丹蝦好大隻好鮮甜， 三文魚，北寄貝，帶子，好厚肉，好肥美。 但呢兩樣拼盤都係一次性提供， 如果想再食就要自費再額外加， 唔怪得咁好食啦哈哈。 另外仲有幾樣都係一次性嘅， 包括韓國餃子， 一份高級豬肉等等。 但其實除咗啲一次性嘅， 佢本身提供嘅任食配料， 味道質素都好唔錯， 除咗食物區各式各樣嘅蔬菜，丸，腸仔， 響鈴等等之外， 餐牌上亦有一啲係免費任叫嘅配料， 可以睇睇我下面個餐牌， 當中個芝士魚皮餃我就叫咗一次又一次。
除咗火鍋外， 由於佢同時都係放題加自助餐， 其實佢嘅食物佢有好多好多嘅食物， 冷盤、熟食、炸物、甜品，中式、西式全部一應俱全， 抱歉我掛住食唔記得咗影， 但食物嘅種類真係真係好多， 而且食物嘅質素都相當唔錯。 冷盤方面，當然唔少得有壽司， 我嗰日就有三文魚壽司、加州卷 ，同埋另外其他款嘅卷物同壽司， 見過其他食評有火炙芝士炸蝦卷， 好想食嗚嗚，但我果日無， 但三文魚壽司同加州卷都係好食嘅。 冷盤仲有青口、蝦果啲， 雖然我冇食到，但望落都相當大隻， 鍾意食嘅人可以一試。 沙律嘅菜選擇都非常多， 醬料配搭都好豐富。 炸物就有小丸子、麥樂雞、炸春捲等等， 試咗幾件都過得去， 熟食嘅選擇都好多， 除咗炒飯炒麵等主食外， 仲有唔少小菜， 記得好似有豆腐炆火腩， 牛脷， 蒸魚， 沙薑雞 ， 仲有鹵水拼盤等等， 總之款式選擇真係好多。 除咗熟食外， 仲有一籠籠嘅中式點心都好吸引， 我就淨係食咗燒賣， 但見到仲有粉果、雞扎、鮮竹卷等等，好似都好吸引。 最後甜品方面， 唔少得當然有十幾款嘢飲，同埋雪糕雪條可供選擇， 另外仲有好多嘅西式小蛋糕小甜品， 有一部軟雪糕機， 另外仲有冰糖燕窩， 但係非常搶手， 我發現嘅時候已經得番最後兩樽，無留意佢有冇補貨。
總結就係， 每人大約三百蚊嘅價錢， 可以食咗一餐質素水準之上嘅放題自助餐， 食物嘅選擇非常非常多， 火鍋放題中式西式任君選擇， 重點係可以食好耐， 唔會好似平時食放題咁得兩個鐘趕住走。
PS 冇記錯嘅話當月壽星出示身份證號是可以傳單有優惠， 唔記得係九折定八折， 大家到時可以查詢一下呢個優惠仲有冇， 如果打埋折， 就真係非常非常抵食啦， 六個鐘馬拉松式火鍋放題自助餐， 諗起都覺得正。
张贴
