麥金.麥金馬來西亞特式茶啡室 (已結業)

今日下午3時左右行經大角咀，行下行下就見一間食馬拉菜既食店，係門口見到有下午茶餐牌，又見冇咩人唔洗等就入去試一試先。由於冇咩人，我就選左邊邊既四人位坐，坐位都尚算幾好，而且都好整潔。我點左個娘惹咖喱雞飯加一杯凍既檳城白咖啡，大約五分鐘就送到面前，見到碟飯既賣相做得很好，加上綠悠悠既椰汁味飯很香，入面有少許炸魚仔同花生點綴，咖喱亦都好惹味，薯仔入味雞件加上咖喱相得益彰，呢個飯真係很好必定會再安歌啦！檳城白咖啡味道偏重奶味，所以飲落都比較順滑，咖啡味都不錯。