駿星匯

营业中

休息中

喺51長假，我同老婆決定留港消費，第一站去咗從未去過嘅沙田馬場放鬆吓。聽講馬場有間餐廳Champion Circle翻新後性價比合理，於是乎揀咗喺果度食午餐。一入到Champion Circle，首先感受到環境嘅寬敞好有現代感。餐廳有個幾個露台，我哋可以喺唔同角度睇到跑道同終點柱。最吸引我嘅就係嗰個14米大電視牆，幾乎每個角落都可以睇到賽事直播，無論坐邊度都好有臨場感，啱晒我一邊食嘢一邊落注。嘢食方面，我就揀咗B餐嘅焗芝士香草斧頭豬扒。豬扒外面金黃酥脆，裡面卻保持住鮮嫩，肉質真係好好。搭配啲新鮮嘅蔬菜同埋香煎薯仔，味道層次非常豐富，亦都非常飽肚。價錢嚟這，成個餐盛惠150蚊。對於同我一樣怕熱嘅人嚟講，可以一邊食飯一邊涼住冷氣欣賞賽事，都已經無乜嘢可以挑剔。總括嚟講，今次喺Champion Circle嘅用餐經歷非常滿意，環境、食物同服務都喺水準之上。下次如果再入馬場，我一定會再嚟呢度邊食飯邊睇賽事！