麥金.麥金馬來西亞特式茶啡室 (已結業)

第一次見到依間麥金麥金, 都以為係另一間老字號, 因為裝修同食既野都幾似, 但其實兩間係無關係既, 不過對我黎講好食就得啦!咖央多士食馬拉野一定要叫個咖央多, 岩岩烘起入口脆卜卜, 烘到金黃岩岩好, 咖央椰味香甜, 趁熱食係最正!仁噹牛肉配椰漿飯配料豐富,. 有花生, 魚乾仔, 牛肉, 薯仔。魚仔食落脆卜卜增添口感, 牛肉味道濃香, 薯仔都係煮到入哂味, 味道好豐富! 椰漿飯椰味真係好突出, 絕對係依個飯既賣點, 好味! 中意辣既仲可以撈埋旁邊既辣醬, 更加惹味。馬來亞拉茶聽講馬拉茶泡越多就越好飲, 依杯成個面都係泡, 入口有茶香又順滑, 好飲