蘇媽.蘇媽馬來西亞美食店 (已結業)

最近公司好忙，做到完全冇停手。差唔多12點，都知自己出唔到去食 Lunch，又唔想食飯，突然好想食個湯咖哩，於是用咗個 Apps 叫外賣，揀咗「蘇媽.蘇媽」。湯咖哩滲滲  $57麵底選擇種類都多，有油麵、米粉、滲滲、米線同老鼠粉。而我揀左滲滲 (即係油麵+米粉)，配料有豆角、豆卜、芽菜、咖哩雞肉、薯仔同魚片。湯底質感好濃，略嫌辣度唔夠，椰味比較重。滲滲混合油麵、米粉，口感唔錯。但湯底只有半碗，而麵底索湯程度好快，未食曬已經冇曬啲湯。建議店方外賣湯底方面，份量可以俾多少少。羅漢果菊花茶 +$19飲品方面，係採用密封式包裝唔怕外賣時倒瀉 。味道唔錯，有羅漢果甘甜，好飲。