麥金.麥金馬來西亞特式茶啡室 (已結業)

馬來西亞火鍋真係第一次食！湯底有3款:古仔路肉骨茶/娘惹叻沙湯/怡保清雞湯，3款都夠曬有馬來西亞風味！今次我揀咗娘惹叻沙湯，惹味卻不算辣，加左幾次湯，仲係咁濃味！主菜有4款海鮮:美國肥牛、越南大虎蝦、智利藍青口、越南沙白蜆。海鮮算幾新鮮，肥牛數量有不少，白蜆冇沙，無諗過不是主打食海鮮的店質素都有保證。配料多達8款，每樣各2粒。炸魚蛋、獅子狗、魚片頭、芝士腸、牛肉丸、墨魚丸、芝心丸和蟹柳。記住點蛋黃醬，可能因為湯底較濃，所以用冇咁濃厚既蛋黃醬配合湯底，食個陣既有沙嗲味又可以帶有淡淡蛋黃既味道。而麻醬相對性有甜味，用黎沾上沙嗲味既牛肉就perfect!蔬菜拼盤應有盡有，其中我最鍾意食金菇、蘿蔔、豆卜、南瓜🎃去到最後會索晒啲精華，吸附力強，一咬爆湯👍🏻仲未夠飽不洗擔心，仲有主食！但我同朋友呢個時候已經飽到上心口。想特別啲可以揀摻摻，油麵+米粉兩溝。我覺得叻沙配油麵係最夾~飲品:馬來西亞拉茶正宗拉茶，啲人話拉得越長，起泡越多，呢杯幾多泡，有茶香、奶香。我知你啦薄餅熱辣辣🔥牛油香味，可以沾上特製醬汁店舖裝修跟傳統南洋茶啡室一樣，有很多懷舊的物品，可以滿滿地感受到以前的馬來西亞～