姨婆瑪麗 (已結業)

姨婆瑪麗門口寫住係賣馬來西亞車仔麵，諗咗一諗，都唔係好明。但附近都唔見其他餐廳，就即管試試，免得一班朋友嘅肚喺度投訴~呢度嘅餸大部分都同一般車仔麵檔近似，最特別嘅就係湯底。我哋決定叫一濃(咖喱)一淡(怡保雞湯)，再加啲小食幾個人分~咖喱湯一端上枱面就知係真材實料。椰奶香味撲鼻，湯底呈橙紅色，而且好稠身。至於雞湯就充滿雞油香，清得嚟又有雞嘅鹹味。香口小食好難唔令人流晒口水五香肉卷係咁多款入面我最鍾意。外層腐皮炸到脆卜卜，包住彈牙嘅豬肉，入面混入嘅芹菜減低咗肉嘅油膩感。大大份真係好食又抵食特飲定期轉款，今日係冬瓜龍眼茶~