Mimila (已結業)

馬來亞春色綠野景緻艷雅🎶🎵星期五，鬆一鬆，煩惱一掃空！地方細細，選擇多多！咁我就食個辣蝦湯摻摻先！依度係嘅麵底有幾款選擇，有米粉，河粉，油麵，摻摻 (即係油麵同米粉嘅mix)，待應話摻摻係馬來西亞嘅特色，就食特色野啦。湯底幾濃，係用鮮蝦淆制而成，再加少少辣味，都唔錯。而蝦食落有少少炭燒嘅香氣，唔係一般湯麵入面嘅蝦，就咁灼熟，又幾好喎。我哋仲叫咗個串燒小食添！有六串，可以揀兩款肉，包括牛，豬，雞。我哋揀咗雞同牛。肉類唔會燒得好韌，食落甜甜地，再點埋沙爹醬，都一樣好食。