蘇媽.蘇媽馬來西亞茶餐室 (已結業)

又係lunch嘅時候，今次在銅鑼灣搵嘢食，見到有間新開不久的蘇媽， 因時間尚早仲未需要排隊所以就即刻入去試下。椰香咖央多士脆脆熱熱的， 非常好味可口。大集錦肉骨茶藥材味濃，真材實料，入面有很多配料，例如有豬腳 、一字骨、三層肉、 豬肚 、豆卜等等，一煲可以試盡他有配料。檳城福建蝦麵材料有豬腩肉、通菜、芽菜、蝦、魚片、蛋，辣參巴醬。 不是太辣， 味道適中， 蝦也算新鮮，魚片非常嫩滑， 整體滿意。桔仔話梅水真材實料， 幾出味，不錯。