Mimila (已結業)

放工去沙田行街拍拖，在新城市廣場七樓搵食，一上扶手電梯便有一間以藍橙白色，裝修帶有點馬來西亞風情的吸引了。講真雖然沙田新城市廣場係好多食店，但要搵一間簡單而且唔太貴的就有點難，呢間價錢合理。同男朋友各選了一碗麵，馬來辣蝦湯濛粉及咖哩喇沙手撕雞湯摻摻。馬來辣蝦湯濛，當服務員上菜時，湯的甜鮮香味撲鼻。跟據餐牌所說，湯是用三十斤海蝦來去煮，嚐一口湯，有著鮮蝦的味道，濛粉幼滑吸收了湯的精髓，大口大口地吃。鮮蝦有四隻，廚師挑了蝦腸，而且每隻還有蝦膏的。雖說餐牌標示了這個是辣的，但我欲嚐不到一點辣。最後我同男朋友把湯喝完了。咖喱喇沙手撕雞湯摻摻，咖喱內的椰香味濃，而且有大量香料味，內裏的豆卜估然可以放任地吸收咖喱汁，使其更出色，但我覺得湯太辣，豆卜我就食不下了，男朋友是接受到的，唯有食魚片，雞絲及雞蛋。最後還有飲品及甜品。檸檬薏米：薏米水加一片檸檬，沒有加糖，健康清新解渴。貓山王芝士蛋糕：榴槤融入了芝士蛋糕內，先嚐到濃濃的榴槤味，然後芝士的酸味在後，總之就好好味，好適合榴槤愛好者。是次二人消費290元，湯麵份量大大碗，誠意推薦蝦湯麵及貓山王芝士蛋糕。