十二味 (碧麗花園) (已結業)

突然想食辣野去吓濕氣，朋友即刻就搵到附近有間川菜🤣印象中疫情期間，開咗唔少分店，味道應該唔差。佢最出名應該係酸菜魚，但係我哋都想食重口味啲嘅嘢，於是乎叫咗香辣鍋。其實人生只食過兩次香辣鍋，今次係第三次，食嗰一刻滿滿的回憶🤣香辣鍋可以揀唔同嘅配菜，最少5款，有海鮮、有肉、有丸，仲有好多瓜菜類選擇，真係好難揀，我哋都想食蝦，之後再一人揀兩款配菜。未上菜已經聞到勁香嘅香辣味，大大一鍋，每樣配菜都俾好多，勁足料，夠兩個人食。當中個人認為最好味嘅係金菇同四季豆，真係好香好夠味，食到停唔到口。我哋要咗小辣，基本上可以唔洗飲水🤣另外我哋仲叫咗個夫妻肺片，同樣整得好入味好唔錯，牛肚同牛肉都好好味，辣味啱啱好，食得好過癮。最後要咗杯特飲--酸梅湯，大杯到夠兩個人飲，而且唔會太甜，非常解渴解辣，食辣野飲真係一流。想食辣野真係好方便，分店都好多，而且平靚正，平時食又得，約朋友食又得。