來來重慶雞煲火鍋菜館

营业中

休息中

估唔到咁細間舖，等位等足四五個字，連隔離單車舖個位都霸埋，誇張到爆。見到每枱都食雞煲，一於跟大隊，真係唔錯喎，香辣一流，D雞好好食，又滑又辣，我仲用D洋蔥同汁黎撈飯，勁正。除左雞煲之外，仲叫左幾個送，有宮保蝦球、左公雞、椒鹽肉排、炒白菜同豬頸肉炒西蘭花。個人黎講比較鍾意宮保蝦球同左公雞，蝦球好爽口，個汁食得出有茄汁同辣味，總之勁多香料果隻啦，而左公雞又係用無骨雞柳炸左，再加香辣配料兜埋，好惹味。