上海婆婆336 (荃新天地) (已結業)

同yan去食lunch,見到喱間連所幾吸引,於是試下了~!酸辣湯,都幾貴,好細碗,不過幾足料,味道又唔錯,酸辣味濃,又唔會太辣,唔錯呀~!上海小籠包,太想食,個皮都幾厚,夾果時唔易整穿,湯唔夠多,餡料份量適中,唔算好肥不過唔夠香,一般呀~!生煎包,包底係脆口的,食落好香脆,而個包就好軟,餡料多又香口多肉汁,幾好食~!上海婆婆擔擔麵~!雖然只是麵,冇餸既,但係都好好味呀,個湯底濃郁,好香麻醬味,杰杰地,好正,擔擔麵夠爽口,幾好食~!香蕉高力豆沙,必食呀,口感好似沙翁咁鬆軟,淡淡地又唔油,餡係沙豆同香蕉,食落唔會太甜又唔漏,好食呀~!唔錯既上海館,尤其係個甜品,幾好食~!