八章軍 (啟岸) (已結業)

紅磡啟岸最近開咗間專食章魚燒嘅外賣店，係區內少有嘅章魚燒舖頭！作為下午茶一流😍 味道有成15款咁多，有選擇困難症嘅我都揀咗一陣先揀到！店主態度好好，誠意推介左兩份味俾我試～ 而家仲有新開張優惠，憑單張可享每盒-$2，下次經過再試吓其他味！一試章魚燒味道相當驚艷！平日食嘅章魚燒，大部份都係比較淋身。呢間即是我返到屋企先食，外層仍然保持微脆口感！好特別，而且比起平日食到嘅更加鍾意❤️ 章魚燒入面仲有粒粒章魚，好足料🐙口感彈牙，非常高質！小編分別試左蜜糖芥末同蟹籽，前者酸酸甜甜，實屬穩陣之選😋 後者表面有大量蟹籽，更添口感。蜜糖芥末章軍（6粒$50/8粒$58）蟹籽章軍（6粒$53/8粒$61）